| Ilu Ilúvatar en
cáre eldain a fírimoin ar antaróta mannar Valion: númessier. Toi aina, mána, meldielto-enga Morion: talantie. Alcar Mardello lende: márie. En cárielto eldain Isil, hildin úr-annar. Toi írimar. Ilyain antalto annar lestanen Ilúvatáren. Ilu vanya, fanya, eari, i-mar, ar ilqua ímen. Írima ye Númenor. Nan úye sére indoninya símen, ullume; ten sí ye tyelma, yéva tyel ar i-narquelion íre ilqua yéva nótina, hostaniéva, yallume: ananta úva táre fárea, ufárea ! Man táre antáva nin Ilúvatar, Ilúvatar enyáre tar i tyel, íre Anarinya queluva ? |
 |